منتديات مملكة طيور الجنة
~ أهـٍلاً ؤسُهـٍلاً بكَـِ يُآ زائر. فيُ منتديات مملكة طيور الجنة
يسعدنا انظمامك الى باقة زهورنا فلا تتردد
جْ ـمٌيٌع آڷحقۉق مٌحفۉظهـٍ ڷـ مملكة طيور الجنة ~

منتديات مملكة طيور الجنة

المملكة الرسمية والحصرية لطيور الجنة
 
الرئيسيةاليوميةس .و .جبحـثالتسجيلدخول

شاطر | 
 

 بوقالات جزائرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابتسامتي عذاب
~(ادارة مملكة طيور الجنة )~
~(ادارة مملكة طيور الجنة )~
avatar

عدد المساهمات : 1433
تاريخ التسجيل : 02/03/2009
العمر : 22
الموقع : www.nihad2008.ahlamontada.net

مُساهمةموضوع: بوقالات جزائرية   الأحد 1 نوفمبر - 10:09

بوقالات




هده بوقالات من قلب الجزائر الى جميع الأعضاء كل واحد يدخل يختار واحدة

ان شاء الله تكون فال خير عليه




باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...


هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام
...

باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...


لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.



و حكمتكم :تجنب شؤم الهزل ، و نكد المزاح.

...

باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.


باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...



رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل





باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...



مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .



و حكمتكم : الحازم من كتم سرّه



باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..


يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



و حكمتكم : الخَرَسْ خير من الكذب .


باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



و حكمتكم : دُل على الجميل بجميل خلالك



باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...



عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.



ربما أراد الأحمق نفعك فضرّك


باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.



وحكمتكم : زين النّطق الصّدق .

باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...


خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .



و حكمتكم : سرور الدنيا كأحلام النائم .

باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...



الناس تنده بالرجال و الوالي ، وانا ننده بربي العالي .



وحكمتكم : الشكاية سلاح الضعفاء .

باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...


حوم حوم يا حوام ، حوم فوق السطح العالي ، و قول لها يا لالة يا زينة
لبنات و خدودها براقة ، و عيونها غرّاقة ، صارت كل القلوب ليها سبّاقة.



و حكمتكم : صداقة الجاهل تعب .


باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...



كلام على كلام و الكلام على سقيلة ، العين في العين و الدّعوة مقبولة.





و حكمتكم : ضالة الكريم حسن الثّناء.

باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...



يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .



و حكمتكم : طوبي لمن شغله عيبه عن عيوب الناس

باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...



محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .



ظلم الضعيف أفحش ظلم


باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .



وحكمتكم : العين بريد القلب .



باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...



قطّعت اللحم بيدى و عملت بذور ، و سمعت الكلام بوذنى و عرفت من قالو ، يا
قايلين الكلام القبيح واش تربحوا ، أنا طاوس في القصر و انتم خفاش النهار
ما يضوالو.





و حكمتكم : الغفلة غرور.



باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...

جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم
...

باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...



جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.



وحكمتكم : القريب من قَرُبَ نفعه.



باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...



امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .



وحكمتكم: كرام الناس أسرعهم مودّة.


باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...

نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.


وحكمتكم : لين الكلام قيد القلوب.



باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا
قمر ..الحمام يعي و يحن ، وتتعمّر النافورة ، ونعودوا لزمانا كيما كنا .



و حكمتكم : المشقة كلها في تأديب الجاهل .


...

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب
حاجتك راه مقضية ، قلت ليه : يا سيدي طالت المدة ، قالى : روحى لدارك
تصيبيها قدّامك .



و حكمتكم : النفس مولعة بحب العاجل .



باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...



خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.



وحكمتكم : هيهات من نصيحة عدوّ.


باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...



دارنا في الجبل ، مقابلة مكة ، مفتاحها من ذهب ، يشعل ما يطفي .



وحكمتكم : الوحدة خير من جليس السّوء

م
ن
ق
و
ل

~~°(توقيعي في مملكة طيور الجنة )°~~




علـمـنى كــبـريـائــي ... أن أذل من أمامي بسكوتي .. بنظراتي .. بإبتسامتي .. بدون أن أتكلم او أنطق بحرف .. فصمتي قادرُ على تعذيبه
الرجوع الى أعلى الصفحة اذهب الى الأسفل
http://nihad2008.ahlamontada.net
malek el rouh
طائر متميز
طائر متميز
avatar

عدد المساهمات : 111
تاريخ التسجيل : 20/08/2009
العمر : 25
الموقع : www.zmala.oj

مُساهمةموضوع: رد: بوقالات جزائرية   الأربعاء 11 نوفمبر - 11:44

merci nahou ba3da bo9altek chaba
الرجوع الى أعلى الصفحة اذهب الى الأسفل
*دمعة امل
طائر جديد
طائر جديد
avatar

عدد المساهمات : 3
تاريخ التسجيل : 02/04/2009

مُساهمةموضوع: رد: بوقالات جزائرية   الأربعاء 9 ديسمبر - 2:40

يعطيك الصحة موضوع هايل
الرجوع الى أعلى الصفحة اذهب الى الأسفل
جي يون
المشرفات
المشرفات
avatar

عدد المساهمات : 591
تاريخ التسجيل : 17/04/2009
العمر : 23
الموقع : http;//www.imene15.ahlamontada.com

مُساهمةموضوع: رد: بوقالات جزائرية   الخميس 10 ديسمبر - 10:39

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

انا جاتني هاذي
صحا نونو

~~°(توقيعي في مملكة طيور الجنة )°~~



الرجوع الى أعلى الصفحة اذهب الى الأسفل
الغامضة
المشرفات العوام
المشرفات العوام
avatar

عدد المساهمات : 991
تاريخ التسجيل : 11/04/2009

مُساهمةموضوع: رد: بوقالات جزائرية   الجمعة 11 ديسمبر - 1:42


خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
انا هاذي شكرااااااااااااا ناهو

~~°(توقيعي في مملكة طيور الجنة )°~~









الرجوع الى أعلى الصفحة اذهب الى الأسفل
ابتسامتي عذاب
~(ادارة مملكة طيور الجنة )~
~(ادارة مملكة طيور الجنة )~
avatar

عدد المساهمات : 1433
تاريخ التسجيل : 02/03/2009
العمر : 22
الموقع : www.nihad2008.ahlamontada.net

مُساهمةموضوع: رد: بوقالات جزائرية   الإثنين 8 مارس - 10:46

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب
حاجتك راه مقضية ، قلت ليه : يا سيدي طالت المدة ، قالى : روحى لدارك
تصيبيها قدّامك

وانا هادي هي بوقالتي

~~°(توقيعي في مملكة طيور الجنة )°~~




علـمـنى كــبـريـائــي ... أن أذل من أمامي بسكوتي .. بنظراتي .. بإبتسامتي .. بدون أن أتكلم او أنطق بحرف .. فصمتي قادرُ على تعذيبه
الرجوع الى أعلى الصفحة اذهب الى الأسفل
http://nihad2008.ahlamontada.net
 
بوقالات جزائرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مملكة طيور الجنة  :: الفئة الاجتماعية :: اللمة الجزائرية-
انتقل الى: